23.05.2024 Ұлы Дала Жорығы👍 Біз түсқайта алдымыздан көк туымызбен күткен Жолымбет ауылының әкімі көмегімен осы ауылдың негізін құраушы кәсіпорынының қонақ үйіне орналастық. Кәсіпорын бағалы металл өндірумен айналысады екен. Кешегі 4-күннің көрсеткіші бойынша біздің Көкмойнақ сөреден екінші болып 7:02 де жолға шықты. Бүгін ең шешуші күн түске жақын 450ді, түсқайта 500ді еңсеріп биылғы III Ұлы Дала Жорығының нүктесін қойып, V Дүниежүзілік көшпенділер ойынында өнер көрсетуге кімдер шығатыны белгілі болады. Старттан қозғалып командаларды аттандырып жол іргесімен келе жатқан сәйгүліктерді қызықтап жүргенде Бектау ауылы ішіндегі 25-шақырымдағы су ішу нүктесіне де жетіп қалған екенбіз Әр 25-шақырымда міндетті түрде аттарға су беріледі. Бұл талапты бір жауапты төреші қадағалап, бақылап отырады. 25-шақырымда бірінші болып суын ішіп кеткен Жамбыл облысы командасы басқалардан 3-4 минут озып келе жатыр. Кеше Жолымбет ауылын айналып, мен осы Жамбыл облысы командасымен бірге жүрдім. Бір бұрылыста менен озып мазақтап кетті. Мен бар күшімді салып, қуып, мәреден осы командадан 2 минут бұрын келіп, “жеттіңдер ма мұрын..оқ балдар” - деп күтіп тұрдым Жамбыл облысының ізімен 3 минуттан кейін келе жатқан Маңғыстау облысы, Алматы қаласы командалары. Тура жүріп отырып Шортанды ауылы маңайынан өтетін автобан іргесінде 450 шақырымды мен 9 сағат 57 минутта бірінші болып аяқтадым. Жамбыл облысы 9:59 Алматы қаласы 10:12 Маңғыстау облысы 10:13 Жетісу облысы 10:23 Яғни, біз Жетісудан қалып келе жатқан 32 минутымызды 22 минутқа азайттық. Матай Бекұлы Есбол ағамыз көзі күлімдеп мәз, бірақ “тсс”- деп қояды. Сағат 14:00де соңғы 500 шақырымға кетуге сөреге аттар жиналды. Батыстан бір қара бұлт келіп, бұршақ аралас жаңбыр құйып кетті. Барлық 13 команданы және рекорд командасындағы 5 атын аттандырып болып, ең соңынан 14:20да мен де жолға шықтым. Жаңбыр әлі тоқтамай киімім су болып қиналып келе жатсам “МАЙ” қызметкерлері машинасы ізімнен келіп ескерту жасады. Мен сары сызықтан жолға шықпаймын, Ұлы Дала Жорығында жүрмін деп едім, олар түсіністікпен қарап ілгері қарай жүріп кетті. Мен соңғы атсуару бекетіне тоқтамай алға жүре бердім. 500-інші шақырымдағы “Құлагер” ат ескерткіші алаңын бір айналып, “құрмет” шеңберін жасап мәре сызығын 1 сағат 50 минутта қиып өттіммм! Көсіліп шауып келе жатқан Құлагер ат ескерткішін салу идеясының авторы, ҚР еңбек сіңірген қайраткері, жазушы, атбегі Сәдібек Түгел ағамыз екен. Сонымен бүгінгі қорытынды жарысты Жамбыл бастап, Жетісу қостап, Алматы, Маңғыстау, Астана бір-бірінің өкшесін баса мәреден өтіп жатты. Бірақ, бүгінгі 100 шақырымдық шабыс алдыңғы 4 күндік 400 шақырымның қорытындысына елеулі өзгеріс енгізе алған жоқ. Осы қазақ тұлпарларының бағын ашқан Ұлттық спортты дамытуға елеулі үлес қосқан Ұлы Дала жорығын ұйымдастырып атбегілермен бірге толғанып-ақылдасып, шабандоздармен бірге шапқылап -жүгіріп жүрген Тұрлыбеков Бақытжан бауырымыз бен оның командасына және Өкімет басындағы барлық қолдаушы-тілекшілерге МЫҢ АЛҒЫС. Елімізде өтетін V Дүниежүзілік көшпенділер ойынының басталуына 105 күн қалды. Раббим Борашов
