Жеңілдетілген автонесие бойынша қарызға тек 10 миллион теңге беріледі. Ал, алатын көлік бағасы 10 миллионнан қымбат тұрса, қалған соманы сатып алушы өз қалтасынан төлейді. Бірақ бұл несиені барлық адам ала алмауы мүмкін. Оған кезек те ұзын-сонар. Бүгін Индустрия және инфрақұрылымдық даму вице-министрі жеңілдетілген автонесиенің жаңа бағдарламасы бойынша шарттарды нақтылап берді. Несиені кім ала алады? Қандай да бір шектеу бола ма? Әріптесім Ақбота Базарбайдың сюжетінде толығырақ. Жеңілдетілген автонесиеге "Жасыл Даму"-дың шотындағы 200 миллиард теңгенің шамамен 100 миллиарды бөлінеді. Бөлінген қаражат несие түрінде халыққа 4 пайызбен, 7 жылға беріледі. Осылайша, қазақстандықтар көлікті жеңілдетілген несие арқылы бастапқы жарнасыз ала алады. Бұл жаңалықты естіген халық қуанған еді. Бірақ, индустрия вице-министрінің айтуынша, бұл әлеуметтік осал топтардың кейбіріне ғана қаралған жеңілдік. МАРАТ ҚАРАБАЕВ, ҚР Индустрия және инфрақұрылымдық даму вице-министрі: – Қазір қарастырып отырғанымыз, кейбір әлеуметтік жағдайы дұрыс емес кісілерге сол бастапқы 20 пайызды төлемейтін. Мүмкін, шамамыз жетсе, тіпті бүкіл халыққа төлемейтін қылып істейміз бе деп отырмыз. Сол жеңілдікті қарастырып отырмыз. Жеңілдетілген автониесиені әдеттегідей екінші дәрежелі банк төлем қабілеттілігі бар адамға ғана береді. Және кредитке отандық автокөліктің барлық түрін алуға болады. Бұл тізімге, мысалы, Hyundai Palisade сияқты қымбат моделді автокөліктер кірмейді. Өйткені жоба нарықтағы арзан көліктің өзіне қол жеткізе алмай жүрген халықты қолдау мақсатында жүзеге асырылмақ. Қазірдің өзінде көлік аламын деген 15 мың адам кезекте тұр. Ал, көлік салондарында шетелден әкелінетін де, отандық автокөліктер де жоқ. Тапсырыс берген көлік 4-5 айдан кейін ғана келеді. Оған себеп, пандемия кезінде автокөлікке орнатылатын микрочиптің өндірісі азайып, тапшылық туындаған. БЕКНҰР НЕСІПБАЕВ, «Астана Моторс» ҚМК бас директоры: – Шын мәнінде, тапшылық бүкіл әлемде орын алды. Мұның бәрін ресми мәліметтерден көруге болады. Егер Қазақстан туралы нақты айтатын болсақ, 2021 жылы жаңа автомобильдерді сату көрсеткіші пандемияға қарамастан 2020 жылғы нәтижелерге қарағанда 26 пайызға артқан. Жеңілдетілген автонесие нақты қашан іске қосылатыны әлі белгісіз. Марат Қарабаевтың болжамы бойынша шешім 1-мамырға дейін қабылданады. Ал, журналистер қанағаттанбаған сауалдардың барлығына 2 аптадан кейін нақты жауап береміз деді. Ақбота Базарбай Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #автокредит #жаңа_көлік
