"Әшімтай Қарымсақұлы (1808 - 1903) - Қарағанды облысына қарасты, Балқаш өңіріндегі Тоқырауын бойында өмір сүрген. Асқан шебер күйшілігімен аты шыққан Әшімтай Арқа өңірінің күйлерін жеріне жеткізе орындайтын аты шулы өнерпаз болған. Өкінішке орай, бүгінгі кезеңге оның "Қоңыр қаз" атты күйі ғана жетіп отыр. Алайда, осы бір тал күйімен-ақ ол қазақ күйшілерінің алдыңғы санынан орын алған дара талант иесі атанды. Ауызекі деректерге қарағанда Әшімтай өз елінің күйініш-қуанышын күй сазына түсіре білген, табиғат сырын жете ұққан, арғы атасы Бәйтелі сияқты түрлі аспапта ойнап, көріпкелдік айтып, сәуегейлікте жасаған адам екен. Өнерлі ортада өскен Әшімтайдың аға-інілері де шетінен әнші-күйші болған деседі. Әшімтай өнерін өз ұлы Хамза жалғастырған, одан немересі бүгінгі Қазақстанның халық әртісі, әйгілі күйші Мағауия Хамзин үйренген." Ысқақов Б. Сарыарқа саздары - Алматы, 2007. #күй #күйші #домбыра #өнер #мәдениет #солист #архив
