Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Бүгін Мәжілістің жалпы отырысында «Ауыл» фракциясының мүшесі Анас Баққожаев «Қазақстан Республикасының кейбір заңнамалық актілеріне архив ісі мәселелері бойынша өзгерістер мен толықтырулар енгізу туралы» Заң жобасы бойынша Мәдениет және ақпарат вице-министрі Айбек Сыдықовқа сұрақ қойды: Материалдарды архивке тапсыру тәртібі қандай? Заң жобасында жеке және заңды тұлғалар мемлекеттік бюджет есебінен дайындалған материалдардың бір данасын архивтерге тапсыруға міндеттеледі дедіңіз. Бұл құптарлық талап. Ол – халықтың қазынасы болған соң, соның ақшасына дайындалған материалдар да халықтың мұрасына айналу керек. Ертең оны қайтадан пайдаланып, бюджеттің де ақшасы үнемделеді. Енді оның тетіктерін түсіндіріп берсеңіз: мысалы, сол тұлғалар қандай формада тапсыруы керек? Флешкамен әлде дискпен ба? Электрондық бір жүйе болады ма? Қабылданған материалдардың шынайылығын кім, қалай тексереді? Бұл талапты орындамаса қандай жауапкершілік қарастырылған?
