Елімізде өзін өзі би сайлап, асатаяқ ұстап, ақыл айтатын адамдарды тексеру керек
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Елімізде өзін өзі би сайлап, асатаяқ ұстап, ақыл айтатын адамдарды тексеру керек. Мәжіліс депутаты Болат Керімбек осындай ұсынысын жеткізді. Халық қалаулысының пікірінше, қазір сондай атаулармен құрылған рулық-жүздік ұйымдар қаптап барады. Сондықтан өздерін би сайлап, пәтуа шығарып жүрген адамдардың әрекетіне құқықтық баға берілуі керек деп отыр. Билер алқасының пікірі қандай? Тұрғындар не дейді? Әріптесім біліп келді. Қоғамда өзін өзі би сайлап, ақыл айтатын адамдар көбейіп барады. Осылай деген мәжіліс депутаты Болат Керімбек ресми тіркелмей өз алдына отау құрып, би болып жүргендерді сынның астына алды. Айтуынша, сондай адамдар бас биді сайлап, түрлі мәселелерге өздерінше шешім шығарады. Осындай ел білмейтін, қоғамға еңбегі сіңбеген билер әр іске жөнсіз араласып, жұртты жік-жікке бөліп отыр деген пікірде. Сондықтан бас прокурор мен әділет министріне депутаттық сауал жолдап, олардың әрекетіне тиісті құқықтық баға берілуі керек дейді депутат. БОЛАТ КЕРІМБЕК, ҚР парламент мәжілісінің депутаты: Олардың кейбірінің ниеті дұрыс болғанымен, көбінің мақсаты – атын шығарып, атақ алу, жұрт үстінен күн көріп, мал табу секілді. Осындай жұрт білмейтін, елге айтарлықтай еңбегі сіңбеген, көпшілік мойындамаған қаптаған билер әр іске жөнсіз араласып, көсемсіп, жұртты жік-жікке бөлуімен қоймай, өзара таласып, қазақтың ғасырлар қойнауындағы қасиетті билер институтына кір келтіре бастады. Депутаттың пікірінше, бұрындары билер институты болған. Бірақ бүгінгі күні сот шешім шығарады. Ал көпшілік ондай топтардың ақыл-кеңесін тыңдар кезде адамның пиғылын түсініп алу керек дейді. Қоғам арасында іріткі салатын адамдар болса, олардан сақтану керек деп отыр. Тұрғындардың пікірі екі жарылды. Егер ол адам оқымысты, білімді, бірнеше жыл өтілі бар сала маманы болса ғана сондай жағдайда ақыл айтса болады. Оның ақылын тыңдауға болады. Ал ойына келгенін айтатын адамдарға сенбеу керек. Қазіргі кезде руға бөліну көбейіп барады қазақтардың арасында. Осының соңы жақсылыққа апармайды. Сондай жағдайлардан сақ болуымыз керек. Биміз деп қоғам арасында іріткі салмаса болды. Ал қазақ билер алқасы пәтуа шығарып жүрген тұлғалар бар екенін мойындайды. Бірақ олардың бізге мүлдем қатысы жоқ деп отыр. Сондықтан депутаттың пікірімен толық келісеміз дейді. ҚАЗАҚ БИЛЕР АЛҚАСЫ: Қазіргі заманда биліктің функциясы, заң шығару және сот жүйесі Қазақстан үкіметі мен Парламентіне және Сотына тиесілі. Біздің мемлекетіміз – зайырлы ел, онда заң үстемдігі Ата заңымыз Конституциямен бекітілген. Сондықтан кейбір азаматтардың өзін-өзі би деп жариялап, құқықтық негізі жоқ шешімдер қабылдауы, ұлтымыздың салты мен дәстүрлерін бұрмалауы – мемлекетіміздің құқықтық жүйесіне және ұлттық құндылықтарымызға қайшы әрекет. Ең бастысы халық заң үстемдік етіп, тәртіп билейтін қоғамда өмір сүретінін ұмытпаған абзал. ----------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
