Алматы облысындағы Шамалған ауылының тұрғындары шетінен газ құбырынан ажыратылып жатыр. Бес айдан бері төлем жасамаған көпшілік әкімдіктің уәдесіне сеніп, реттелуін күттік дейді. Баға тұрақталса дегендер енді газсыз қаламыз ба деп қауіптенуде. Ал, жауаптылар әлі күнге дейін бұл мәселені шеше алмай әлек деп қынжылады. Осы уақытқа дейін жиналған қарыз қалай жабылмақ? Жауаптылар не дейді? Толығырақ әріптесім Бауыржан Жақсымбет тарқатады. Шырылдаған Шамалған ауылының тұрғындары бүгін әкімдік алдына жиналып көгілдір отынның мәселесін оңтайлы шешуді сұрады. Өйткені, бес айдан бері өзгерген дәнеңе де жоқ деп отыр. Желтоқсаннан бері тариф бағасының негізсіз қымбаттағанын айтып бірнеше мәрте жиналған жұртшылық, сол уақытта ақ жағалылар уәдені үйіп төккен дейді. Тариф бағасының реттелгенін күткендер, енді қарызға батып отыр. Жаққан газдың ақшасын толықтай өтейміз деген жұрт, бағаның әлі күнге дейін бір шешімін таппағанына наразы. ЖЕТПІСБАЙ ҚАЙСАРҰЛЫ, Шамалған ауылының тұрғыны: – Шілденің 1-нен бастап өз білермендігімен 34 теңгеге көтеріп жіберген.19:02 Бағаны түсірдік дейді айтатындары. Осы апрельдің бірінен бастап соған төлейсіздер сол бағамен оған келіспесе онда тағы да құзырлы органдар жұмыс жасайды. Сигма кінәлі болады дейді. Бес айдан бері газдың ақшасын төлемеген тұрғындар шамамен 100 мың теңгенің айналасында қарызымыз бар дейді. Бүгін компания өкілдері келіп үш үйдің құбырын кесіп газ беруді тоқтатқан. Ал, Қарасай ауданы әкімінің орынбасары сәуір айынының басынан бастап тариф құны 28 теңге 98 тиынға төмендеді дейді. Алайда, бұл шешіммен газбен қамтамасыз етіп отырған компания келіспейтіндігін айтыпты. МАРЛЕН ҚАСЕНОВ, ҚАРАСАЙ АУДАНЫ ӘКІМІНІҢ ОРЫНБАСАРЫ: – Прокуратура мен электр энергиясының көтерме сауда нарығын бақылайтын департамент шынымен де заң бұзушылықтардың болғанын анықтады. Сол үшін де тариф бағасын төмендетіп отыр. Бірақ «СИГМА ГАЗ» ЖШС бұл шешіммен келіспейді. Жылыту уақытына дейін толыққанды шешіледі деген ойдамыз. Әкімдік қызметкері тұрғындардың осы уақытқа дейін жиналған қарызын үш ай мерзімде бөліп төлеу үшін компаниямен келіскенін жеткізді. Сонымен бірге ешқандай айыппұлдар салынбайды деп отыр. Ал СИГМА-Газ компаниясы бұл мәселе бойынша жауап беруден бас тартты. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz и www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
