«Ата-ананың тәрбиесі – бала мінезінің іргетасы» тақырыбында дөңгелек үстел

Ата-аналарды педогогикалық қолдау орталығының бағдарламасына орай мектебімізде өткізіліп жатқан "Үш құндылық, hәм үш қуаттылық" атты тәрбие онкүндігі аясында бастауыш класс жетекшілері Б.Б.Дәулетбай, А.А.Абилова, А.К.Аралбаева 2-класс аналарымен «Ата-ананың тәрбиесі –бала мінезінің іргетасы» тақырыбында дөңгелек үстел өткізді. Дөңгелек үстелдің мақсаты: ата-ана мен бала арасындағы сенімді сыйластықты, бір-біріне деген сезімді нығайту. Ата-ана - отбасының негізгі діңгегі, бастапқы дәнекері екенін ескеріп, мектеп, ата-ана, ұстаз болып бірігіп, сапалы білімді, саналы тәрбиелі, салауатты ұрпақ тәрбиелеу. Дөңгелек үстел өткізу аясында ата-аналарға «Біртұтас іргеміз, біз әрқашан біргеміз» атты тренинг ұйымдастырылды. «Бақытты жанұя» моделін құру жобасы тыңдалды. Әрбір баланың мінез-құлқы ата-анасының жағымды іс-әрекетінен үлгі алуы барысында қалыптасады» - деп Павлов айтпақшы баланың мінез-құлқы өскен ортасына, көрген тәрбиесіне байланысты қалыптасатыны белгілі. Осы орайда аналарға ой елегінде жүрген түйткілді сұрақтарға жауап алынды. Іс шара соңында мектеп директорының тәрбие ісі жөніндегі орынбасары И.С. Мураталиева және "Зере" аналар клубының жетекшісі Қ.М.Құлынтаева аналарға алғыс айтып, өз ризашылықтарын білдірді.