С02Е05 – Теории на заговор | Радио Милева

Во петтата епизода од втората сезона на Радио Милева зборуваме за теориите на заговор, сеприсутен феномен во историјата на човештвото, кој е сѐ позасилен во современиот живот по појавата на интернетот. Поподробно за теориите на заговор, како и зошто настануваат и какви типови личности се склони да ги шират или да им веруваат, разговараме со д-р Билјана Ѓонеска, истражувачка во МАНУ од областа на социјалната психологија и социјалните невронауки. Во рубриката „Јазикот е отепувачка“, Милевите зборуваат за нови кованици во јазикот што произлегуваат од современи феномени, а во рубриката „Бумери и џумери“ Милевите ги дискутираат начините на кои средовечната криза се манифестира кај жените и мажите од нивната генерација. Во последната рубрика „Враќање во реалноста“, Милевите потсетуваат за страшните анти-женски закони кои стапуваат на сила во различни делови од светот. 00:00 – Вовед: теории на заговор 01:58 – Гостинка: д-р Билјана Ѓонеска 24:24 – Милевите за теориите на заговор 31:13 – Нови кованици: Јазикот е отепувачка 42:10 – Средовечна криза: Бумери и џумери 1:00:00 – Враќање во реалноста