Мемлекет басшысына Қостанай облысының инвестициялық мүмкіндіктері баяндалды

Қытайлық компаниялардың бірі 10 жыл ішінде Қазақстанның автоөнеркәсібіне 1 млрд доллардан астам қаражат құятын болды. Бүгін Елбасының Қостанай өңіріне жасаған сапары аясында тиісті келісім бекіді. Нұрсұлтан Назарбаев «СарыарқаАвтоПром» кәсіпорнын аралап, аймақтың тұтастай инвестициялық ахуалымен танысты. Сосын «Нұрлы жер» бағдарламасының іске асу барысын бағамдады. Елбасының Қостанайға бұл сапары әдеттегіден өзгерек. Алдымен жер еміп отырған диқандармен кездесетін Нұрсұлтан Назарбаев бұл жолы бірінші кезекте халықты баспанамен қамту жайын бағамдады. Әуежайдан түскен бойда су жаңа тұрғын үйлердің құрылысымен танысты. Бұл мөлтекауданда 3 жыл ішінде мыңға жуық пәтер пайдалануға берілді. Қазір тағы 12 үйдің құрылысы жүріп жатыр. Ол – «Нұрлы жер» бағдарламасының жемісі.