Химиялық элементтердің периодтық жүйесінің құрылымы

Химиялық элементтердің периодтық жүйесінің құрылымы. Химиялық элементтер Д.И.Менделеевтің периодтық кестесінде жүйеленген. Одан элементтің салыстырмалы атомдық массасын, оның реттік нөмірі арқылы протон мен электрон санын анықтайды. салыстырмалы атомдық массасынан реттік нөмірін азайту арқылы нейтрон санын анықтайды. Атомның электрондық қабаты бірнеше деңгейден тұрады.Бір қабаттағы орбитальдар электрондық дегей түзеді. Период нөмірі энергетикалық деңгей санын көрсетеді. Топ нөмірі (негізгі топшаларда) соңғы деңгейдегі электрондар санын көрсетеді. Элементтерді топтарға жіктеу әдісіне байланысты кесте ұзын және қысқа болып бөлінеді. Периодтардағы элементтердің саны 2, 8, 8,18,18, 32, 32. Бірінші периодтан басқа периодтар сілтілік металдан басталып, инертті газдармен аяқталады. Қысқа периодты кестеде 8 топ бар, әр топта негізгі және қосымша топшалар бар. Ұзын периодтық кестеде 18 топ бар.