Ақтөбеден "алтын адам" табылды. Қала маңындағы солтүстік айналма жолдың бойындағы карьерден 2-4 ғасырларға жататын археологиялық артефактілер шыққан. Кездейсоқ олжаны "Ақтөбе кристалл су" ЖШС топырақ тиегіш көлігінің жүргізушісі тауыпты. Топырақ қазу кезінде домалап түскен бастан басында шошыған жұмысшылар кейін ішкі істер органдарына хабарлаған. Алтын бұйымдар да шашылып қалған. Ғұн дәуіріне жататын қабірді археологтар келіп зерттеген. Қабірде археологотардың сөзінше, ауқатты адам жерленген. Адамның сүйек қалдықтарымен қатар, басы өңделген сүйектен, жоғарғы жағы алтын дискіде тастармен әшекейленген темір қылыш қалдықтары, алтын қапсырмалары бар жылқы еріне ұқсас дүниелер бар. Сондай-ақ, алтынмен әшекейленген ер адамның киім қапсырмалары табылған. Қола мен күміс тоғалар да табылды. Ғұн дәуірінің жауынгері жерленген жер 3 маусым күні табылған. Әлкей Марғұлан атындағы археология институтының өкілдері мен ресейлік археологтар қазба орынын зерттеп жатыр. Бүгінге дейін өңірімізде ғұн дәуірінің жәдігерлері табылмаған. Қазір археологиялық заттар Алматыдағы сынама жасау зертханасына жіберілген. Қалпына келтіру қажет. Себебі, жер қазу кезінде ұнтатылып қалған. Археолог Арман Бисембаев бет қаңқасына қарап, жерленген жауынгер өте қатал, сұсты адам болса керек дейді. Археологтар табылған дүниелердің таза алтыннан жасалғанын айтады. Бірақ, сынамасы төмен. Себебі, сол кезде байлықтарын көрсету үшін алтын мен күмістен араластырып құйған. Ал, олжаны тапқандарға мемлекеттен сыйақы берілмейді. Себебі, зират табылған жер мемлекеттікі. Сайт телеканала
Twitter / rika_kz Вконтакте
https://vk.com/rikatv 