Жесірлер жолы. 1 бөлім. / аудиокітап / болғаноқиға / әсерліәңгіме

Ғани Бейсен . Жесірлер жолы . ( Бақ пен сор ) Бір күні бейқам отырғанда төбемнен жай түскендей болды . Көлігіне қызылша тиеп , сатуға кеткен күйеуім мен жақын қайным табытта оралды . Оқиғаның мән жайын айтсам , үлкен жолға шыққанда Газель мен Камаз соқтығысыпты . Газелде отырған күйеуім мен қайным сол жерде жан тапсырған . Мен ол кезде екіқабат едім , естірткенде бақырып жылап есімнен танып қалыппын . Қолымда да , құрсағымда да қызым бар еді , ай күні жетіп тұрғанда , мына қаза маған өте ауыр тиді . Біз осыдан үш жыл бұрын үйленген болатынбыз . Күйеуім екеуміз бір жылдан аса жүріп қосылдық . Үйде атам бар , енем бар және екі қайным бар . Онан кейін жалғыз қайын сіңлім бар . Сонымен қара жамылып біраз жүрген соң , күйеуімнің жылы өтті . Жақын қайным дегенім , ол менің атамның туған ағасының баласы еді . Оның да келіншегі , яғни менің келінім жесір қалды . Сөйтіп , жастай қалған екі бейбақ соңғы күні талқыға түстік . Өйткені , күйеуімнің жылдық асына келген қонақтар тарай бастағанда , осындағы ағайын - туыстар қалып өзара бас қосты . Менің анам бар , әкем бар келіннің анасы бар , жалпы бәрі жабылып кеп , біз екеумізді ортаға алды . Ең алдымен аңырап алған енем сөйледі . Мына сені Капошжанға қоссақ деп отырмыз , келінжан , - деп еңіреп берді . Оған еңкілдеген атам қосылды . Онан ағайын туыс , көрші - қолаң қосылды . Шулап жылап үйдің ішін бастарына көтерді . Мен де қосылып аңырап бердім . Сонда мені өз қайныма қоспақшы ма деп қоямын . Капошжан деген туған қайным , күйеуімнің інісі . Мінезі де ауыр , таза еңбекқор жігіт . Бірақ , бұл менен 4 жасқа кіші , әлі енді мектеп бітіріп жатыр . Жалпы менің күйеуім де көп сөйлемейтін , салмақты жігіт еді , қайнымның түрі ұқсамаса да мінезі ұқсайтын . Күйеуім енеме , қайным атама ұқсайды . Екеуі бір үйдің балалары . Мен сонда бетімді басып отырып ойлана бастадым . Мұнысы қалай болады деймін ғой баяғы . Бұл әлі жас бала , мен болсам екі қызым бар . Сол жерде аракідік анамның да сөйлегенін естіп отырдым . Қызым маңдайыңнан көрерсің , екі қызбен бөтенге барғанда бақыт табасың ба ? Қазір түрлі - түрлі бәле бар , жын - жыпырдың бәрі жер бетіне шыққан заман ғой . Болашақта тұрмысқа шығу керексің , сен әлі жассың дейді . Бұл енді қарсы емеспін , қала ғой қызым дегені еді . Шынымды айтсам , сол жерде өз құлағыма өзім сенбедім . Өйткені мұндайды кім көрген ? Мен әлі де сол күйеуімнің елесімен өмір сүріп жүргенмін . Қиялымда осының бәрі өтірік боп , ертең бүрсікүні менің күйеуім қайтып келетіндей болатын да тұратын . Сонан соң мен тұрмысқа шыққанда , музыка ойнап , той - думан болған еді . Мына жерде , жылап сықтап отырып неке қиямыз дегендері , біртүрлі екен . Сонымен менің басымнан сипаған анам да , енем де жалпы бәрі кеп бақ тілеп , соңы той болсын деп жатты . Осылайша екі қызыммен бірге , өзімнің де болашағым шешілді . Сонан соң қайнымның келіншегіне кезек жетіп , оған қолқа салу басталды . Оның өзінен кейін қайнысы жоқ , қайнағамызға қоспақшы . Екеуінің жас айырмасы тоғыз жыл . Ол бейбақ болмайды деп азар да , безер болды . Айқайлап жылап жұлқынып шықты . Тіпті , киімдерін жинап жүріп сөмкесіне сала бастады . Кім барса да айтатын жауабы бір ақ сөз кетемін дейді . Сонда келінді көндіре алмаған соң , сол жерде бәрі сап тиылды . Содан жамырап жылап ақ баталарын беріп , төркініне шығарып салды , яғни шешесінің қолына ұстатты . Қысқасы , олар сол күні - ақ біздің некемізді қиып , суын ішкізді . Біртүрлі ыңғайсыз екен , ұялатын сияқтымын . Төмен қарап бетімді басып , көзімді көлегейлей бердім . Бірақ некеңді қиып , суыңды ішкен соң қайда барасың мен сол үйде қалдым , келін шығып кете барды . Содан баяғы күйбең тірлік қайта басталды . Арадан көп өтпей қайын күйеуім Алматыға барып оқуға тапсырды . Ол мектепті өте жақсы оқитын , сынақтан сүрінбей өтіп , үлкен Универдің табалдырығын аттады . Бірақ сол үйде болған екі айда , мен де оған бауыр басып , аз да болса күйеуімді ұмытқандай болып ем . Өлгеннің соңынан өлмек жоқ дегені осы екен . аудиокітап, аудиокітаптар қазақша, аудиокитеп, болған оқиғалар, болған оқиға, қуат ахметжанов, аудио кітап, болған оқиға желісімен, қазақша қызықты әңгімелер, қазақша әңгіме, қазақша әңгімелер, қазақша әңгімелер жинағы, қызықты әңгімелер, қызықты әңгімелер жинағы, әсерлі әңгіме, әсерлі әңгімелер, әңгімелер жинағы, болған оқиға әңгіме, өмірлік әңгімелер, өмір иірімі, өмір иірімдері, өмірлік оқиғалар, өмір сырлары, әңгімеші жігіт, сізге қызық #аудиокітап #болғаноқиға #әсерліәңгіме #желідегігинеколог #жездемменжүргенжетіжыл #жездемменжүрген7жыл