Ол ең сұлу қыздан құбыжыққа айналған. БЛАНШ МОНЬЕнің сұмдық оқиғасы.

  / allsabr     / solkezder   1901 жылдың мамырырының 23-ші жұлдызы. Франция. Пуатье қаласы. Полиция қызметкерлері Манье отбасы тұратын үйге келді. Есікті үй қожайыны мадам Луиза Леонардо Монье ашты. ⁃ Офицер мырза, сіздерге не керек? деп сұрады. ⁃ Бізге шағым түсті, үйді тексеруіміз керек! деп офицер жауап қатты. Полицияның үйді тексеретінін естіген кемпір шошып кетті. Есікті іштен жауып алуға тырысты. Бірақ, полиция өкілдері де әлсіз адамдар емес еді. Олар есікті бұзып кіріп, әр бөлмені мұқият тінтуге кірісті. Оғаш көрінетін ештеңе таппаған олар, жоғарыға көтерілді. Шатырдағы есігінде үлкен құлып тұрған бөлмені олар бірден тапқан жоқ. Бірақ, оны байқаған кезде дереу құлыпты сындырып, ішке кірді. Олардың көрген сұмдықтары ұзақ уақыт естерінен кетпегені анық. Полиция қызметіндегі ұзақ жылдарында көптеген сұмдықтарға куә болған аға офицердің өзі шошып кетті. Тар бөлменің ішінде ұзақ жылдар бойы жиналмаған тамақ қалдықтары, қоқыстар мен нәжістер жайрап жатыр. Терезелер мықтап қағылған. Шіріген төсектің үстінде өз нәжістері мен тамақ қалдықтарының арасында әбден қорланған, шаштары өсіп кеткен жалаңаш кемпір жатты. Бұл кісі бір кездері сұлулығымен танымал болған Бланш Монье еді. Оны соңғы 25 жыл бойы бәрі өлді деп ойлаған. Енді оның жасы 50-де. Ал, салмағы болса 26 килограммнан төмен екен. Айналада тышқандар жүгіріп жүрді. Ұзақ жылдар бойы Бланштың жалғыз достары осы тышқандар ғана болатын. Анасы қызына тек тамақ қалдықтарын ғана беріп отырған. Әбден қажыған әйелді төсекке орап үйден шығарғанда анасы Луиза Монье ештеңеге өкінбейтін адамдай кофе ішіп отырды. Бланшты дереу ауруханаға алып барды. Ол жерде оның қатты зорығып кеткенін айтқан. Бірақ, бұл оған қарап-ақ білінетін. Ол өзін салмақты ұстаған. Тамақтанып, ванна қабылдап алған соң, мұның бәрі қандай тамаша екенін айтқан.