ЭХ ОРОНДОО (2024.06.29-08.07)

Эх ороноосоо явсан хүний дотор эх орон, эцэг эх, унасан газар угаасан ус өдөр бүр бодогдоно. Хүний газар амьдар гэж хэн нэгэн тулгаагүй ч, энэ насны жам тавилангаар ийнхүү амьдарч буй нь цөөнгүй. Тэдний нэг болно гэж олон жилийн өмнө бодоогүй явж. Нэг мэдэхэд даруй 10 гаруй жилийг ардаа орхижээ. Одоо ч зав л гарвал, мөнгөний боломж гарвал явчихаад ирье гэсэн бодол байнга төрөөстэй. Мэдлэг нэмээд, жилийн энергий аваад ирэхийн чацуу, би юу хийж, юугаар тусалж чадах билээ гэсэн бодлыг тээж ирдэгээрээ аялал бүр таатай бас амттай. Ингээд энэ жилийн аялалаа товчлон оруулав.