Ховд аймгийн Буянт сумын Нарийн гол багийн малчин Б Дашдаваа гуай Монгол улсын аваргамалчин өрхөөр ш

Б.Дашдаваа гуайнх 1000 гаруй толгой малтай. Сүүлийн жилүүдэд бод малаа ялангуяа үхэр, адууг түлхүү өсгөж байгаа гэнэ. Өнгөрсөн хавар л гэхэд 400-аад төл хүлээж авсаны дотор 30 гаруй тугал 10-аад унага бойжуулжээ. Малчин хүн зун намрын цагтаа малынхаа тарга тэвээрэгт илүү анхаарч бэлчээрлүүлж чадвал өвөл хаврын хатуу цагийг ажрахгүй давна. Буянт сумын хувьд малын нутаг бэлчээр хүрэлцээ муутай ч Дашдаваа гуай хаяа багтахаараа бууж, хазаар багтахаараа иднэ гэдэг монгол сайхан ухаанаар зэргэлдээх сумдын малчид, хот айлтайгаа эвсэж малаа малладаг байна. Хамгийн гол нь зөв хөдөлмөрлөж чадвал, малынхаа сүү сааль, ашиг шимээр хэнээс ч дутахгүй сайхан амьдрах боломж малчин бүрт бий гэж Б.Дашдаваа гуай хуучиллаа.