РЕСЕЙ МЕН ҚЫТАЙҒА БАҒЫНБАЙСЫЗДАР | ТРАМП

Біздің көршілес, бауырлас Өзбек ағайындарымыздың ЖІӨ қанша екенін білесіздер ме? Былтырғы жылдың қортындысы бойынша 115 млрд долларға жетті. Бұл 39 млн халқы бар ел үшін аз ба, көп пе деп сұрауыңыз мүмкін? Өте аз. Жан басына шаққанда 3 мың доллардың үстінде. Өткен аптаның соңын ала Вашингтонда өткен С5+1 форматы бойынша Орталық Азия мен АҚШ саммитінде Өзбек туғандарымыз алдағы үш жылда 35, ал 2035 жылға дейін тағы 100 млрд долларға дейін АҚШ экономикасына инвестиция құяды деген ақпараттан сарапшы қауым әлі жаға ұстап отыр. Елінің байлығы 115 млрд доллар болса, оның 100 млрдын америкалықтарға инвестицияласа, несі қалды? – деген әңгіме ғой, қарапайым қисынға салсақ. Қазақша айтқанда көршілеріміз Трампқа 100 млрдқа қораға кірді ме? Жә Өзбек ағайындарымызды айтамыз, өзіміздің ұпайымыз ше? Кейбір басылымдар Орталық Азия республикалары Америкадан инвестиция алып қайтудың орнына, АҚШ-тың экономикасына инвестиция салатын боп қайтты, - деп жазып жатыр. Яғни әлемдегі ең алдыңғы қатарлы ел АҚШ, Орталық Азия мемлекеттерінің технологияларына, маман кадрларына мұқтаж емес екені бесенеден белгілі ғой. Демек қандай инвестиция? Яғни бізден қаражатты қағып алады, - деген қарапайым ой туындауы мүмкін. Расымен солай ма? Дональд Трамптың кенеттен Орталық Азия лидерлерін шақырып алып саммит өткізуіне не түрткі? Іргеміздегі қос көрші Ресей мен Қытайдың реакциясы қандай? Әлде осы екі алпауыт қоңсымыздың ықпалынан шығу үшін Ақ үйге барып, барымызды беріп келген жоқпыз ба? Біраз сұрақ бар. Жауап іздейік. Шайларыңызды демдеп, ден қойсаңыздар, бастайық. #білгендұрыс #қазақстан #өзбекстан #қырғызстан #түркіменстан #тәжікстан #ақш