Про подкаст №65 МОНГОЛ УЛС ДАХЬ ХҮҮХДИЙН ЭРХИЙН ЗӨРЧЛИЙН ӨНӨӨГИЙН НӨХЦӨЛ БАЙДАЛ

Про подкаст №65 УЕПГ-ын Олон нийттэй харилцах албаны мэргэжилтэн Ю.Ариунзаяа УЕПГ-ын Зөрчлийн хэрэг бүртгэх ажиллагаанд хяналт тавих хэлтсийн хяналтын прокурор Н.Эрдэмбилэгтэй "Монгол Улс дахь хүүхдийн эрхийн зөрчлийн өнөөгийн нөхцөл байдал" сэдвээр ярилцлаа. Зөрчлийн тухай хуулийн 6.20 дугаар зүйлд Хүүхдийн эрхийг зөрчих 15 зөрчлийг хуульчилсан. Судалгаанаас харахад зөрчлийн тухай хуулийн 6.20 дугаар зүйлийн 7 дахь хэсэгт заасан “Хүүхдийн бие махбодод халдсан, хүүхдийг үл хайхарсан, хүүхдийн дэргэд архидан согтуурсан, мансуурсан, хүчирхийлэл үйлдсэн” зөрчил нийт зөрчлийн дийлэнх хувийг эзэлж байна. 2020-2021 оны эхний улирлын байдлаар хийсэн судалгаанаас үзэхэд Хүүхдийн эрхийг зөрчих зөрчлийн 90 орчим хувь нь ахуйн хүрээнд буюу тэдний хамгийн аюулгүй байх ёстой орчин болох орон гэрт нь үйлдэгддэг. Зөрчил үйлдэж байгаа хүмүүсийн 46.5 хувь нь бүрэн дунд боловсролтой, 79.1 хувь нь 27-45 насныхан байна. Хүчирхийлэлд өртсөн хүүхдүүд хоолны дуршилгүй болох, бие махбодын хөгжил зогсох, сэтгэл санааны байдал тогтворгүй болох, өөрийгөө тусгаарлах зэрэг шинж тэмдгүүд илэрдэг. Гэр бүлийн ээлтэй орчинг бүрдүүлж, хүүхдийнхээ эрхийг хамгаалцгаая!