Ықшамдалған таухид кітабы. 11-бап. . Сиқыр және оған ұқсастар жайлы. Ұстаз: Омар Теміртас

11. Сиқыр және оған ұқсастар жайлы. Алла Тағала сөзінде: {Олар, бұны (сиқырды) сатып алғандарға Ақыретте ешқандай несібе жоқтығын білді} (Бақара, 102). Әбу Һурайра (р.а.) Алла елшісінің صلى الله عليه وسلم келесі сөздерін жеткізген: «Құртып жіберетін жеті нәрседен шеттеніңдер». Сахабалар (р.а.): «Иә Алланың елшісі олар не», - деп сұрады. Пайғамбар صلى الله عليه وسلم» : Аллаға серік қосу, сиқырлық, Алла арам еткен жанды жазықсыз өлтіру, өсім жеу(риба), жетімнің мал-мүлкін (зұлымдықпен) жеу, шабуыл кезде кері қайту, мұнтаздай, бейқам иманды әйелдерге жаман ат тағу», - деді. Әбу Му́са Ашғари (р.а.) былай деген: «Алланың елшісі صلى الله عليه وسلم былай деп айтты: “Үшеуі жұмаққа кірмейді: Маскүнем, туыстық қарымқатынасты үзетін, сиқырға сенген адам”. Хадисті жеткізген Ахмад, ал Ибн Хиббан бұл хадисті дұрыс (сахих) хадистерінің жинағына кіргізген.Пайғамбардың صلى الله عليه وسلم кейбір жұбайлары оның келесі сөзін жеткізген: «Кімде-кім көріпкелге барып, одан бір жайт жайлы сұрап, (оған сенетін болса), оның қырық күндік намазы қабыл болмайды». Хадисті Муслим жеткізген. Әбу Һурайрадан (р.а.) пайғамбардың صلى الله عليه وسلم мына сөздері жеткен: «Кімдекім балшыға немесе көріпкелге барып, оның айтқанына сенетін болса, Мухаммадқа түсірілген нәрсесіне күпірлік келтірген болады». Хадисті Хаким, Ахмад жеткізген, және Хаким бұл хадисті Бухари мен Муслимнің шартына сәйкес деген. Әбу Һурайра (р.а.) Алла елшісінің صلى الله عليه وسلم келесі сөздерін жеткізген: «Кімде-кім түйіншек түйетін болса, содан соң оған үрлеп түкіретін болса, онда сиқыр жасаған болады. Ал сиқыр жасаған адам міндетті түрде (Аллаға) серік қосқан болады. Кімде-кім бір нәрсеге жармасса, соған тапсырылады2». Хадисті Нәсәи жеткізген. Ибн Аббас (р.а.) Алла елшісінің صلى الله عليه وسلم келесі сөздерін жеткізген: «Кімдекім жұлдызбен сәуегейлік етудің бір тармағын үйренетін болса, ол сиқырдың бір тармағын үйренген болады. Көбейгені үшін көбеймек». Хадисті Әбу Дауд жеткізген. Хадистің тізбегі дұрыс (сахих).Бухари өз “Сахих” жинағында Қата́даның (р.а.) келесі сөзін жеткізген: «Алла Тағала бұл жұлдыздарды үш қасиетпен жаратқан: Дүние аспанының көркі үшін, шайтандарды атқылау үшін, жол табудың белгілері үшін. Ал кімде-кім оларды бұдан басқаша түсіндірсе, ол қателеседі әрі несібесін жойған болады, және өзін, өзі білмейтін нәрсемен жүктеген болады». А́нас (р.а.) Алла елшісінің صلى الله عليه وسلم мына сөздерін жеткізген: «Жұқпа жоқ, ырым жоқ, ал фа̍ль (жақсылыққа болжау) маған ұнайды». Сахабалар: «Фа̍ль деген не?», - деп сұрады. Пайғамбар صلى الله عليه وسلم» : Ұнамды сөз», - деп жауап берді. Хадисті Бухари мен Муслим жеткізген.Ибн Масғуд (р.а.) пайғамбардан صلى الله عليه وسلم мына сөздерінің жеткендігін баяндаған: «Ырым – ширк, ырым – ширк. Біздің әр қайсымыздың (жүрегімізге ол нәрсе кіреді), бірақ Алла оны тәуекел арқылы кетіріп тұрады». Хадисті Әбу Дәуд жеткізген, Тирмизи хадисті сахих хадистердіңқатарына жатқызған және соңғы сөздер Ибн Масғуд тарапынан болған деген тұжырымға келген.Фадль ибн Аббас (р.а.) пайғамбардың صلى الله عليه وسلم мына сөздерін жеткізген: «Ырым дегеніміз – сені жүруге итермелеген немесе жолдан ұстап қалған нәрсе». Хадисті Ахмад жеткізген. Ибн Масғуд (р.а.) Алла елшісінен صلى الله عليه وسلم мына сөздерді жеткізді: «Сендерге жалғанның не екенін хабарлайын ба? Ол – өсек: Адамдардың арасында сөз тарату». Хадисті Муслим жеткізген. Ибн Омар (р.а.) Алла елшісінен صلى الله عليه وسلم мына сөздерді жеткізген: «Расында, шешендікте сиқыр бар». Хадис Бухари мен Муслим жеткізген.