Түркістан облысы Тұрбат ауылының тұрғындары түтінге тұншығып отыр

Ауыл жұрты жылыжайлардан шығатын көмірдің улы газынан зәразап. 10 мыңға тарта тұрғыны бар елді мекендегі әрбір екінші үй ауласына жылыжай құрып алған. Оны жылыту үшін қыс бойы тонналап көмір жағады. Ауылға осыдан 7 жыл бұрын газ құбыры тартылған. Алайда, жұрт оның игілігін көре алмай отыр. Көшелерге тартылған газ құбырлары сәндік үшін қойылғандай, пайдаға аспай тұр.