«Бу нодир китоблар, қўлёзма манбалар Ахсикент ва Ахсини буюк тамаддун маркази бўлганидан далолат»

Наманган вилояти ҳокими ўринбосари Жамшид Хотамов, Имом Термизий халқаро илмий-тадқиқот маркази масъул ходими, олим Жўрабек Чўтматов ҳамда Ўзбекистон мусулмонлари идорасининг Наманган вилояти вакили Мусохон Аббосиддиновлар Ахсикент археология парки таркибидаги Янги Ахси илмий-маърифий, меъморий мажмуасида бўлдилар. Наманганда Ахсикатий ва Ахсавийлар халқаро илмий-тадқиқот марказини ташкил этиш бугуннинг энг долзарб масалаларидан биридир. Уч мингдан ортиқ нодир қўлёзмалар мавжудлиги, уларни тадқиқ этишни кун тартибига қўймоқда. Бу ерда улкан илм хазинаси мавжуд, - дейди Жўрабек Чўтматов. Меҳмонлар мажмуа, мавжуд қўлёзмалар, Ахси осори-атиқалар музейи фаолияти билан танишдилар. Вилоят ҳокими ўринбосари масъулларга қўлёзмаларни сақлаш учун мақбул шароит яратиш бўйича топшириқ берди. Медиа Департамент