ЕШКІМГЕ АЙТЫП ҚОЙМА!

Бәріңізге Ассалаумағалейкум Мұсылмандар тарихи аренада тағы неден ұтылды?  Ердоғанның Колумбты мойындамайтыны распа? Бүгінгі ауызын айға білеген Америка құрлығын анығында кім ашқан? Канализациядағы Еуропа, цивилизацияны қайдан алды? Бұл туралы сұмдық ақпараттарды сізге Білген дұрыс Колумбтың 1492 жылғы экспедициясы үш кемемен шыққан 90 адамнан тұрды. Алайда еуропалықтар мен қытайлар, нормандар мен арабтар Америка жағалауына бұған дейін де жүзіп барған екен. Бірақ Колумбтың саяхаты орталық және оңтүстік Америкаға барған ең алғашқы, нақты дәлелденген экспедиция болып саналады. Колумб ашқан құрлыққа оның есімі берілген жоқ, тек оның орталық бөлігіндегі кішкентай ғана ел Колум­бия деп аталады. Өйткені ол өз өмірі­нің соңына дейін Үндістанға баратын жаңа теңіз жолын аштым деп есеп­теді. Саяхатшының қателесуі Америка континентінде тұратын жергілікті ха­лықтың бүгінге дейін үндістер деп аталуына себеп болды. Арада жеті жыл өткеннен кейін Колумб барған жерге басқа бір атақты теңізші – Ис­пания мен Португалияның теңіз қыз­метінде жүрген Флоренция азаматы Америго Веспуччи жетті. Ол басқадай тұжырым жасады. Бұл жер Үндістанға мүлде ұқсамайды, бұрын бізге белгісіз болған континент деп жариялап, оған Жаңа Жер деген ат беруді ұсынды. Бірақ Америго Веспуччи де жаңсақ айтып, қателескен, бұл жерде еуропа­лықтар сол кездің өзінде тұрып жат­қанын бүгінгі археологтар дәлелдеп отыр.  1507 жылы лотарингиялық карто­граф Вальдзмюллер құрлыққа Веспуч­чидің құрметіне Америка деген ат қойды. Осылайша, жаңа ашылған құрлық 15 жылдан кейін бүгінгі күндегі географиялық атауына ие болды. Еуропадан барып қоныстанғандар «америкалықтар» деп аталды, ал жер­гілікті халықтың атауы «үндістер» болып қала берді. Біз білетін тарих осындай, бәрі де дұрыс сияқты. Бірақ бүгінгі заманның зерттеушілері Жаңа Жерге Колумбтан да бұрын барып өмір сүрген деген пікірде.  ХХ ғасырдың 60-жылдарында Сол­түстік Америка құрлығының шы­ғыс жағалауларынан археологтар бұ­дан 800–1000 жыл бұрын осы жерлер­де Еуропаның солтүстігінен келген ви­кингтер немесе нормандар тұрға­нын дәлелдейтін заттарды тапты. Атлант мұхитының жағалауларынан табылған тас ғимараттар мен бекі­ністердің орын­дары, жартастарда қашалып жа­зылған руна жазулары, ыдыстар, қа­рулар мен киімдердің фрагменттері сияқты археологиялық жәдігерлер мұнда мұхиттың арғы жа­ғынан келген еуропалықтардың ұзақ уақыт өмір сүргенінің дәлелі іспетті. Демек, Ко­лумбқа дейін 500 жыл бұрын еуропа­лықтар мұнда келіп өмір сүрген. Мұны америкалық ғалымдар да мойын­дап отыр. 1964 жылы Кон­гресстің айтуы­мен АҚШ президенті Линдон Джонсон жыл сайын 9 қазан­да Лейв Эйрикссон­ның күнін атап өту туралы заңға қол қойды. Ежелгі скан­динав аңыздары мен жылнамалық де­ректерге сәйкес, ол Ньюфаундленд аралының солтүстік шетіне – қасиетті Виландқа сол күні келіп қоныстанған екен.  Скандинавтардың іздері Флорида мен Мексика жағалауларынан да та­былып жатыр. Зерттеушілердің көп­шілігі Анд тауының етегінде, қазіргі Боливия аумағында орналасқан ежелгі Тиауанако қаласын викингтер салған деген пікірде. Бұл мәселені ғалымдар XIX ғасырдан бастап зерттеп келеді... Толығырақ видеода!