Эрх зүйд үнэний хайгуул хийсэн дурсамж | #Хуульч_мазаалай_подкаст

Олон улсын эмэгтэйчүүдийн эрхийг хамгаалах өдрийг тохиолдуулан бэлтгэсэн “Хуульч Мазаалай” подкастын ууган дугаарт Ардчилсан шинэ Үндсэн хуулийн эхийг баригч, Монгол Улсын Хөдөлмөрийн баатар, Ардын багш, Гавьяат хуульч, доктор, профессор Бяраагийн Чимидийн нэрэмжит шагналт хоёр эрхэм оролцлоо. “Эрх зүйгээ эргэн санахуй” сэдвийн хүрээнд Монгол Улсын гавьяат хуульч, Хууль зүйн шинжлэх ухааны доктор /Sc.D/, профессор Цэрэнбалтавын Сарантуяа, Монгол Улсын гавьяат багш, Хууль зүйн ухааны доктор /Ph.D/, профессор Хаянхярваагийн Сэлэнгэ нар зочноор оролцож, залуу хуульчдын асуултад онол, практикийн үүднээс хариулт өгч, сонирхолтой ярилцлага өрнүүлсэн бөгөөд МУИС-ийн Хууль зүйн сургуульд тасралтгүй дөч орчим жил багшлах хугацааны үнэ цэнтэй дурсамжаасаа хуваалцлаа. Хөтлөгч: Хуульч, өмгөөлөгч Э.Эрдэнэхишиг Хуульч, өмгөөлөгч Т.Мөнх-Очир Хуульч, өмгөөлөгч Н.Баясгалан