ТӘУІРДІҢ ӘНІ - Ғашықтықтың ғазалы

ТӘУІРДІҢ ӘНІ "ҒАШЫҚТЫҚТЫҢ ҒАЗАЛЫ" (Шыңғыс хан немесе Алтын балық) Әні: Тәуірбек Жұмабергенұлы Бозекенов Сөзі: Талғат Мықи Сидырмай қойса сезімім сыйымды еш елге, Мәңгіріп кетем Мәжнүннің күйін кешем де. Періште дейін десем де күнәға батам, Күнәға батам пендесің дейін десем де. Қайырмасы: Алтын балық та емессің аулап алатын, Сен бір сиқыр күшсің ғой баурап алатын. Шыңғысхан боп тумаппын, жарты әлем емес, Жүрегіңнің жартысын жаулап алатын. Мені сен мейлі менсінбе, елеп-ескерме, Сен мен үшін биіксің Эверестен де. Атыңды жазып қоярмын жадыма мәңгі, Маңдайымдағы жазуға ерегескенде. Қолымнан келсе көрсетіп қазақтығымды, өзіңмен қашан өткізем ғажап күнімді? Аз күнге ғана болса да азайтып кетші, Ажалдан бұрын жететін азап-мұңымды.