Ғ. МҰРАТБАЕВ ТӘРБИЕСІНДЕ ӨСКЕН ҒҰЛАМА - ӘУЕЛБЕК ҚОҢЫРАТБАЕВ | Ә ҚОҢЫРАТБАЕВ - 120 ж | @ҒылымиЖобалар

Ғ. МҰРАТБАЕВ ТӘРБИЕСІНДЕ ӨСКЕН ҒҰЛАМА - ӘУЕЛБЕК ҚОҢЫРАТБАЕВ. ҒЫЛЫМИ ЖОБА І КІРІСПЕ ІІ НЕГІЗГІ БӨЛІМ 2. 1 Тұғыры биік тұлға, мемлекет және қоғам қайраткері – Ғани Мұратбаев 2. 2 Ғани тәрбиесінде өскен ғұлама 2. 3 Әуелбек Қоңыратбаев қазақ мәдениеті мен әдебиетіне қосқан үлесі ІІІ ҚОРЫТЫНДЫ ІҮ ПАЙДАЛАНЫЛҒАН ӘДЕБИЕТТЕР АБСТРАКТ Болашақ ғалым Ә. Қоңыратбаев Ғани Мұратбаевпен Ташкенде танысып, одан өмір жолына таусылмас сабақ алады. Тек Ә.Қоңыратбаев қана емес, қазақтың небір белгілі тұлғалары Ғанидан сабақ ала отырып, еліміздің түкпір-түкпірлеріне тарап, халқымыздың болашағына жарқын сәуле бола білді, еліміздің дамып, көркеюіне өз үлестерін қосты. Ә.Қоңыратбаевтың дер кезінде қажетті білімді ала отырып, болашақта еліміздің мәдениеті мен әдебиетіне мол мұра қалдырған ғалым болып шығуына Ғани Мұратбаевтың қосқан үлесін таныту зерттеуіміздің өзекті мәселесі болмақ. Зерттеудің мақсаты: Еліміздің тәуелсіздік тұғырын көтеруде ерінбей еңбек еткен, жас та болса бас болып, жастардың басын қосып, оларды біріктірген, еліміздің болашағы үшін күресуге шақырған алаштың арысы, жастардың көсемі бола білген – Ғани Мұратбаев және оның тәрбиесінде өскен ғұлама ғалым Ә.Қоңыратбаевтың қазақ әдебиеті мен мәдениетіне қосқан үлесін айқындау. Зерттеудің міндеттері: ➢ Мемлекет және қоғам қайраткері ретінде Ғани Мұратбаевтың Алаштың арысы, жастардың көсемі ретінде қызметін айқындау; ➢ Ғани тағылымын ұрпаққа ұлағат ету, оған нақты деректер келтіру; ➢ Ғани тәрбиесінде өскен ұлы ғұлама Ә.Қоңыратбаевтың мәдениетіміз бен әдебиетімізге қосқан үлесін таныту. Зерттеу жұмысының ғылыми болжамы: Егер, Ғани Мұратбаевтың қоғамдағы, жастар ұйымын басқарудағы атқарған еңбектері танылып, оның жас ұрпақ алдындағы орасан зор істері өз дәрежесінде танытыла білсе, оның тәрбиесінен өткен азаматтардан қоғамда өз орындарын тапқан мықты мамандар шыққаны көрсетілсе, онда жас ұрпақтың бойында ата-бабалар рухына деген, олардың атқарған істеріне деген құрметтері артып, елін, ата-бабаларын қадір тұтар жас ұрпақ тәрбиелер едік. Зерттеудің теориялық мәнділігі: Бабалар ісін ардақтау, құрметтеу, оларды үнемі есте сақтау қажеттілігінің нәтижелілігі айқындалды. Зерттеудің практикалық мәнділігі: зерттеу нәтижесінде жинақталған материалдар болашақта Ғ.Мұратбаевтың өнегелі өмірін әрі қарай зерттеп, зерделеймін деушіге пайдалы нұсқа, сондай-ақ мектептің тарих, өлкетану пәндерінен эллективті курстардың бағдарламасына енгізуге болады. Зерттеудің дербестік нәтижесі: Ғ.Мұратбаевтың өнегелі өмір жолы кеңінен көрсетілді; Абзал ағаның жастар ұйымын басқарудағы еңбектері, елдің бірлігін, беріктігін нығайтудағы еңбектері жан-жақты сараланып, талданды; Ә.Қоңыратбаевтың әдебиетіміз бен мәдениетімізге қосқан үлесі айқындалды. Жұмыстың орындалу әдістері. Тақырып бойынша материалдармен танысу, естеліктер жинау, ғылыми ізденіс, зерттеу, тарихи деректер жинау, көркем шығармалармен танысу.