VIDEO
"Лезгинка" ансамблдиз тӀвар ганвай ва адан макьамрин кьилин леймотив хьанвай "Лезги руш" манидин автор я Асеф Мегьман!!! #Лезгияр #Лезгины #Ləzgilər #Shaxdagfilm #SturviDOC #ЦIвериФильм #ЧIехиКасар #ПроектЧIехиКасар #РодовоеДерево #ДеревоЖизни #Асеф Мегьман #СаМАНИ #ЛезгиМАНИ Асеф Мегьманан УЬМУЬРДИН РЕХЪ: Абдуллагьрин Асеф Мегьманан хва (лакIаб Асеф Мегьман) — машгьур лезги шаир, артист, композитор, прозаик ва драматург. ДАССР-дин харусенятдин лайихлу кӀвалахдар. Дагъустан Республикадин халкьдин артист. 1930-йисуз КцӀар райондин ЭчӀехуьре дуьнядиз атана. Алатай вишйисан 30-йисара буба репрессиядик акатай Асефан уьмуьр гзаф заланди хьана. Сифте Къубада, ахпа Дербентда педмектебра кIелна, муалимвал авуна, гуьгъуьнай Дагъустандин Радиода лезгидал гунугрин редакторвиле кӀвалахна. Ада гьам са шаирди, гьамни са композиторди хьиз хайи халкьдин арада чӀехи гьуьрмет къазанмишна. Адаз «Дагъустандин халкьдин артист» лагьай тӀвар ганва. 2015-йисан 23-июндиз чIехи шаир Магьачкъала шегьерда рагьметдиз фена. ТУЬКӀУЬРУНАР: Вичин садлагьай шиирар Асефа азербайжан чӀалалди кхьизвай. Адаз гьам лезги чӀал, гьамни азербайжан чIал хъсандиз чидай. Адан сифте шиирар Бакудин газетрин чинриз акъатнай. Дербентдин Педагогвилин училищеда кӀвалахзавай Абдуллагь Муталимов муаллимди гайи меслятдалди Асеф Мегьмана лезги чӀалал шиирар кхьиз эгечӀнай. Асеф Мегьман СССР-дин журналистрин Садвилин член тир. 2010-йисуз ам «Дагъустандин халкьдин артист» тIварцӀиз лайихлу хьана. 1971-йисуз Асеф Мегьманан «ЯхцӀурлагьай гатфар» тӀвар алай садлагьай ктаб лезги чIалалди акъатна. А ктабдик 70-йисара туькӀуьрай поэмаяр, манияр ва чӀалар акатнава. Шаирдин 2002-йисуз акъатай «Зун галачиз» тӀвар алай ктабда пуд гьикая, поэмаяр ва шиирар гьатнава. Асеф Мегьманан 80 йисан юбилейдиз талукь яз «ЧиРагъ» лезги литературадин журналди адан «Руьгьдив рахун» поэма ва «Чаз чидай Асеф Мегьман» ктабар чапдай акъудна. 2015-йисан июндин вацран 23-даз Магьачкъала шегьерда дуьня дегишарай Асеф Мегьман гьанани кучукна.
