VIDEO
Сайн байцгаана уу! Өнөөдрийн хичээлтэйгээ холбогдуулаад өнөөдрийн хичээлээ хийх гэж юу болсон тухайгаа хуваалцахаар шийдлээ. Би ер нь хичээлүүдээ өмнөх өдөр нь бичээд яваад байгаан. Өнөөдөр бүтэнсайн өдөр тул өглөө босоод хүүхдүүддээ хоол цайг нь бэлдэж өгөөд бас хамтдаа гэр орноо цэвэрлэх, даалгаврыг нь шалгах гээд нэлээн юм болж 1 цагийн үед аавд нь өгөөд гаргалаа. ингээд хичээлээ бичээд бараг цагын бичлэг болсон тул 3дөхөж байхад сая нэг бичлэгээ дуусгаал үзтэл дундуур нь дуу нь тэр чигээрээ тасарсан байв, ингээд тасарсан хэсгээс нь дахиад видео хийгээд дуусч байтал нөгөө хэд маань залгаад ирж байна гэв. Тэгээд цагаа хартал 4 дөхөж байв бид хэд 4-с өмнө нэг цэцгийн дэлгүүрээс цэцэг авна гээд ярьсан байсан тул гялс видеогоо шалгаж амжилгүй гараад явлаа. Ингээд орой 6өнгөрөөгөөд гэртээ ирж оройн хоол цайгаа хийж идчихээд видеогоо шалгатал 2дахь бичлэгний дуу дундуураа нэлээн тасарчээ. Өө хөөрхий гээд би ч эхний бичлэг дээрээ дуу оруулхаар шийдэж 00 орж байгаад л яриж байтал манай хэдийн нэг нь түг түг түг гээд л ороод ирлээ. За энэ мэтчилэн миний бичлэгийн сүүлийн яриа 3 тасарч бичигдсэн байгаа. Уг нь бол өдөр йога хийж байгаад би та бүхэнд их л гоё юм ярилаа гэж бодтол орой нөхөж бичиж оруулсан аудио маань өөр болоод явчихлөө. Гэхдээ яаая гэхэв маргааш видеогоо оруулах ёстой тул тэгээд л дуусгалаа. Гол нь видеогоо бага хэмжээтэй болгох гэж, түүнийгээ интернетрүү хуулах гэж 2, 3 цаг болдог тул ингэж явсаар. Байгаад шөнө 1 өнгөрч байхад бүх ажил дууслаа. Маргаашийн хичээл постлоход бэлэн болов. 😊 Энэ бүхнийг яагаад хуваалцаж байгаа вэ? гэхээр бид аливаа зүйлийг өөрийнхөө өнцгөөс хараад л шүүж дүгнээд эхлэдэг. Гэтэл нөгөө өнцгөөс юу болж байгааг мэдэх юм бол шүүх гэхээсээ илүү ойлгоод хүндлээд талархаад ирдэг. Бид өөрийнхөө амьдралыг хүртэл зөндөө зам туулж ирчихээд өөрийгөө ойлгож би аргагүй ийм байдалд ирсэн гэхээсээ илүү миний муугийнх, би ч угаасаа ийм дээ гэхчлэн шүүмж өгөөд эхлэдэг. Гэтэл шүүж дүгнэхэд сэтгэлээ зориулалгүй байгаа байдлаасаа боломжтой хэрэгтэй зүйл дээрээ төвлөрөөд ирэх юм бол өнөөх талархлын сэтгэл хаа сайгүй урсаж байдаг. Заримдаа хүмүүсд аз жаргалтай байхыг хүсвэл байгаа зүйлдээ л таларх гээд хэлчихмээр л санагддаг. За ингээд уртын урт яриагаа үүгээр дуусгаж хичээлдээ тухлан саатахыг урьж байна! 😊🙏🧘♀️🕉
