Атқа міну мәдениеті​ Жүсіпбек Аймауытов ауылы (Қызылтау округі) Баянауыл ауданы

Атқа міну мәдениеті мен жылқы шаруашылығы жер жүзіне Ұлы даладан тарағаны тарихтан белгілі. Жылқы – малдың патшасы. Қазақ халқы үшін төрт түліктің осалы жоқ. Дегенмен жылқының адам үшін атқаратын қызметі өте жоғары бағаланады. Қазақ халқында жылқыны құрметтеп, қасиеттеп жоғары бағалайды. Жылқыны қолға үйрету арқылы біздің бабаларымыз өз дәуірінде адам айтқысыз үстемдікке ие болды. Жылқының қолға үйретілуі атқа міну мәдениетінің де негізін қалады.​ Осыған орай, ата-бабамыздан келе жатқан осынау салт-дәстүрді жас ұрпаққа дәріптеу мақсатында аудандық ішкі саясатпен жастар орталығының ұйымдастыруымен ауылдық округтерде «Ат-ер қанаты» атты эстафетасы жүргізілуде.​ Қаймағы бұзылмаған Қызылтау ауылының азаматтары ертеден келе жатқан қазақы дәстүрді оның ішінде ұлттық ат спортымызды дамытуда.​ Ж.Аймауытов ауылының жастары ат спорт түрі көкпардан «Қызылтау» құрама командасын жасақтап, аудандық, облыстық және республикалық жарыстарда жүлделі орындарға ие болып жүр. Атап айтар болсақ, аударыспақ ойын түрінен ауылымыздың жас палуаны Мұрат Ақжан респуликалық турнирлерде бірнеше мәрте жүлдегер атанды.​ Жоғарыда аталып өткен «Ат- ер қанаты» атты эстафетасының жалғасы ретінде ауыл тұрғындары көкпар алаңына жиналып, атқа міну, жабағы үйрету, көкпар, қыз қуу, аударыспақ сынды спорт түрлерін дәріптеу мақсатында бейне ролик түсірілді. Ауылымыздың белсенді жастарының бірі Батырбек Қошқарбаев өз сөзінде аттың қадірі және ауылымыздағы ат спорты жайлы былай деді:​ Батырбек Қошқарбаев:​ - Жылқыны қазақ халқы ежелден қастерлеген. Осы бір қасиетті түліктің түрі қазақ халқы үшін орны өте ерекше. Қазақ баласы жылқыны төресіндей көретіні сондай, қазақ жылқы мінезді деп, өзінің мінез-құлқын теңеп жатады.​ Ат үстінде өскен бала қайсарлы, намысшыл, ер жүрек және адал азамат болып өсері анық. Міне біздің ауылдың жастарының ұйымшылдығының арқасында ат үстінен табылып, көкпар, аударыспақтан ауданымыздың намысын қорғап жүр. Өскелең ұрпақты, барлық жастарды ұлттық спортымызды дәріптеуге, атқа мінуге шақырамыз​ rukhanizhangyrupvl Жылқы – қазақтың жаны деп тегін айтылмаса керек. Менің атам-Бердібеков Көпен Жамбыл колхозы кезінде «Қасқа ат» деген ат жаратып, құмай тазы ұстап облыс көлемінде 1961 жылы дипломмен марапатталған. Менде сол ата жолын қуып, күміс ертоқым, ағаш үзеңгі, өрме жүген, өрме қамшы – ат әбзелдерін жинап отырмын. Ауылымызда көкпар тартып, бүркіт баулып, құмай тазы ұстайтын азаматтар баршылық. Осындай іс-шаралар жиі болып тұрса, нұр үстіне нұр болар еді, - деп Бердібеков Бақытжан ағамыз игі лебізін білдірді.​ Жастарға қолдау көрсетіп жүрген ауылымыздың белгілі бүркітшісі, қасиетті қыран құсын қолына қондырған Иманзай ағамыз былай деді:​ -Міне еліміздің жастары бірнеше жылдан бері атқа мініп, ұлттық ойындарды жалғастырып, көкпар тартып Қазақстанға әйгілі болып жүргендері бізді қуантады. Қазағымыз ат үстінде өзін әрдайым сенімді сезінген. Сондықтан барлықтарыңызды атқа мінуге шақырамын.​ Жиын соңында Иманзай ағамыз ата-бабамыздан келе жатқан дәстүр бойынша жақында сүндетке отырғызылған жас баланы тайға мінгізу рәсімін өткізді. #РуханиЖаңғыруПавлодар #ҰлыДаланыңЖетіҚыры #БаянауылЖастарОрталығы #АтқаМінуМәдениетіБаянауыл #Қызылтауауылы