Паёми Аҳмад Масъуд дар ҳамоиши Душанбе

“Афғонистон моли як қавм нест ва намояндаҳои ҳамаи миллатҳо бояд дар муттаҳидӣ ба зидди зулму куштор мубориза баранд”. Ин ҳарфҳо дар паёми онлайнии Аҳмад Масъуд, фармондеҳи Ҷабҳаи муқовимати миллии Афғонистон ба ширкатдорони маросими ҳамасолаи ёдбуди Аҳмадшоҳ Масъуд, қаҳрамони миллии Афғонистон гуфта шуд. Аҳмад Масъуд ҳамчунин гуфт, ки бо Толибон чанд маротиба талоши оғози музокирот кардааст, вале ҷониби дигар шартгузориҳое кардаанд.