С.РАХЫМОВ АТЫНДАҒЫ ӘСКЕРИ КОЛЛЕДЖ АТАУЛЫ КҮНДЕРДІ САЛТАНАТПЕН АТАП ӨТТІ

Шымкент қаласында орналасқан Кеңес Одағының Батыры, генерал-майор Сабыр Рахымов атындағы Әскери колледж құрылғанына 1 жыл толуын ерекше салтанатпен атап өтті. Бұл іс-шараның ерекшелігі – еліміздің маңызды тарихи және мемлекеттік мерекелерімен тұспа-тұс келуінде. Колледж ұжымы мен тәрбиеленушілері бұл күнді Ұлы Жеңістің 80 жылдығы және 7 мамыр – Отан қорғаушылар күнімен бірге атап өтті. Мерекелік жиын мемлекеттік Туды салтанатты түрде сахнаға алып шығумен ашылды. Бұл сәтте колледждің оркестрі Қазақстан Республикасының мемлекеттік Әнұранын орындап, мерекенің шымылдығы ұлттық рух пен патриоттық сезімге толы салтанатпен түрілді.