Балқашта «Тұран жолбарысын» жерсіндіру жұмысы жүріп жатыр

Балқашта «Тұран жолбарысын» жерсіндіру жұмысы жалғасып жатыр. Бұл бастаманы Жабайы табиғаттың бүкіләлемдік қоры мен Қазақстан үкіметі бес жыл бұрын қолға алған еді. Балқаш ауданында «Іле-Балқаш» табиғи резерваты құрылды. Ресейдің Амур аймағынан жолбарыс әкелінеді. Ғалымдардың зерттеуінше, Амур шерісінің тұрпаты мен генетикасы Балқашта жойылған жолбарысқа өте жақын. Жобаға сәйкес алғашқы жолбарыс жұбы екі жылдан кейін Балқаш резерватына жеткізіледі.