Казак түмний их бахархал "Бүргэдийн баяр"

Монгол туургатны нэгэн үндэстэн Казак түмнийг бүргэдгүйгээр төсөөлөхийн аргагүй гэдэг. Тэр ч үүднээсээ Казак түмний "Бүргэдийн баяр" энэ жил Улаанбаатар хотод долоо дахь жилдээ "Чингисийн хүрээ" жуулчны баазад өнөөдөр боллоо. Энэ удаагийн баярт Баян-Өлгий аймгаас нийт 18 бүргэдчин ирсэн бөгөөд тэд уналага морьдоо нийслэлд ирсэн хойноо хэдхэн хоногт сургаж дадлагажуулсан байна. "Бүргэдийн баяр"-т оролцож байгаа бүргэдчидийн хамгийн ахмад нь 61 настай бол хамгийн залуу нь энэ жил 21 нас хүрчээ.