Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Қазақстанның дәл ортасында емес, шетінде де емес – Бәйдібектің баурайында, табиғаты тамаша, жері шұрайлы ауыл бар. Аты Жоғарғы Боралдай, тіпті ұмыт қалған мекен десек те болады. Сырт көзге – шырайлы өлке. Ішіне кірсең – жүйенің шіріген тұстары жамалған емес, жасырып қойылған. 21 ғасырдың ширегіне жетіп, ғарышқа сапар шегіп жатқан заманда, бұл ауыл 13 жыл бойы түтіні түзу шықпаған жол, жарығы жанбаған көше, түгесілген үмітте отыр. Жоғарғы Боралдай елді мекені – осы ауданның дәл жүрегіндегі жара. 170 үй 1000-ға жуық халық. Бірақ бір метр жол жоқ. Балалар жаңбыр жауса мектепке батпақ кешіп барады. Аналар шелектеп су тасиды. Кеш түсе – жарық жоқ, қараңғы көшелерде қарттар құлап, жастар адасып жүр. Бұл ауылдың соңғы рет асфальт көрген уақыты – 2012 жыл. Сол жылы басталған жол құрылысы ауылдың жартысына жетпей тоқтап қалған. Бүгінге дейін не жалғасты? Не жаңарды. Ал әкімдік не дейді?
