Түркістан облысы Айнатас ауылының тұрғындары жылыжай саламын деп жайылым жерді тарылтқан жер иеленушілердің әрекетін халыққа жасалған қастандық дейді. Жайылымға залалы жоқ деп уәде еткен әкімге де, жылыжай иесіне де алдандық деп отыр. Өйткені жайылым жерге мал өтер жалғыз жол жабылып қалған. Ал айнала қазылған орға түскен мал шетінен өліп жатыр дейді. Қазығұрт ауданына қарасты Айнатас халқы жайылым жерді тарылтқан азаматқа өкпелері қара қазандай. Жылыжайын бұзып тастауға да бекініпті. Алайда сабырға келдік дейді. Жайылымды ұлғайтамыз деген аудан әкімдігі сөзінде тұрмады деп отыр. Ұлғаймақ былай тұрсын, алақандай жалғыз жайылымға барар жол бөгеліпті. Айнала қазылған ор жердің ылғалдылығын құрғатқан. ӘКІМ БИЖАНОВ, Қазығұрт ауданының тұрғыны: – Мал өліп жатыр біріншіден. Екіншіден жердің зәгі (ылғал) қашып, жердің барлығы құрғап жатыр. Бұл жер тоғайлы жер ғой негізі. Жайылым жер қалмады. Қазір қара күзге дейін қай жерге жаярын білмейді халық. СЕЙДАЛЫ ТАСБАЛТАЕВ, Қазығұрт ауданының тұрғыны: – Жыл он екі ай малға шөп тауып бере алмаймыз ғой. Қыстың өзінде тауып ала алмастан көбі сатып алады. Қазір престің өзі, бір прес мың теңге болып тұр, әлі түспейді. Жылыжайды айнала қазылған арық халыққа зиян дейді. Алдымен терең шұңқырға мал түсіп өліп жатса, кейін бар ылғал осы ормен өзенге ағуда. Соның кесірінен айнала түгел құрғақшылыққа айналған. Ал жылыжайдың ауқымынан жайылымға барар санаулы метр ғана жол қалыпты. Тұрғындар түсірілім үстінде тағы басқа жердің қазылып жатқанынан біліп, барлығы жиылып, техника жұмыс жасаған орынға қарай бет алды. Техника жұмыс жасап отырған жерді жаралау дерегіне қатысты ауыл әкімі полиция шақырттым, акт жасалды деді. Ал жайылым жерді тарылтқан жер иесі қоршауды алады, мал өтетін жол қалдырады деп сендірді. Жерді айнала қазғандығына қатысты құжаттар жер иснпекциясына жіберілгенін, жаза алатынын айтты. Ал түбегейлі жылыжайды көшірту талабы заңға қайшы деп отыр. АСАН НҮСЕНОВ, Қазығұрт ауданы Қызылқия ауылдық округының әкімі: – Әзіргі таңда ол кісілермен келіссөз жүргізіп жатырмыз. Басқа жерден аудан әкімдігі жер ұсынуға дайын. Алайда кәсіпкер келіспей тұр. Маған осы жер керек деп. Мал өтетін жерді ғана ұлғайғанымен мәселе толық шешілмейді дейді халық. Жайылым жерді суармалы жер ретінде берген әкімдік шешімдерінде шикілік бар деп есептейді. Сондықтан жұрт облыс әкімінің қабылдауына жазылыпты. Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #жайылымсыз_жұрт #жер_дауы
