5 сынып Қазақ тілі 4 тоқсан ТЖБ тапсырма үлгілері

#БЖБ#ТЖБ#СОЧ#СОР 5 сынып Қазақ тілі 4 тоқсан ТЖБ тапсырма үлгілері Тапсырма 1. Мәтінді тыңдап (оқып), көтерілген басты мәселені анықтаңыз. Өз көзқарасыңызға тыңдаушыны сендіру үшін, дәлелді мәтін ақпаратын, қыстырма, қаратпа сөздерді қолданыңыз. 2. Жұбыңызды мұқият тыңдап, мәтін бойынша сұрақ қойыңыз. Өз көзқарасыңызды білдіру не толықтыру мақсатында жұбыңыздың сұраққа жауап беруі кезінде келісу, келіспеуіңіз бойынша диалогке қатысыңыз. [10] 1-мәтін Саяхат қызықтары Кей адамдардың саяхаттауға деген құмарлығын айтып жеткізу мүмкін емес. Бұл адамдар саяхаттау үшін ғана жаралғандай. Ал кейбір адамдар саяхатты дүниетаным кеңейтудің жолы деп емес, тек демалыс деп қана ұғады. Сіздің қай топқа жататыныңызды білмейміз, алайда саяхаттаудың басты себептерін атап бере аламыз. Берілген мәтінде саяхаттың адам баласына әкелер маңыздылығы және пайдасы туралы айтылған. Достар, саяхат дегеніміз ол біздің дүниетанымызды кеңейтудің бір жолы. Көп саяхаттаған адамның білімі де жоғары болады. Біріншіден, саяхаттау ол адамның өзіне деген, жан жағындағыларға деген жауапкершілігі, саяхаттау сізді белгілі бір міндеттерге әкеледі. Екіншіден, саяхат ол рухани демалыс және күш қуатты қалпына келтіруге мүмкіншілік береді. Таза ауа мен жасыл табиғат сізге серпін беріп, күш-қуат сыйлайды. Әрине, сонымен қатар сапар шегу, ол өзге елдің мәдениетін, тұрмыс тіршілігін біліп, оларға деген көз қарасыңызды қалыптастырады. 1) Саяхатқа жиі шығасыз ба? 2) Соңғы саяхаттаған жеріңізде (табиғат аясы немесе шет елде) өзіңіз бұрын білмеген қандай ақпараттарға жолықтыңыз? 3) Сізде саяхаттан келген соң әлемге деген қандай көзқарас пайда болды? 2-мәтін Аспан түсінің көк болу себебі Аспанның түсі неліктен көк? Аспан бізді қоршап тұратын ауадан тұрады. Бірақ басты шалқайтып, көкке көз тіксек, жүзін бұлт торламаған, ашық аспанның түсі көк екенін көреміз. Күнделікті жұтатын ауамыз көзге көрінбейтін, түссіз болғанымен аспанымыздың түсі көк. Оның сыры неде? Оқылым Тапсырма Мәтіндерді оқып, олардың жалпы қысқаша мазмұны мен нақты ақпараттарды ажыратып көрсетіңіз. [10] А мәтіні Жетіқарақшы Қазақ атаулы түгел білетін шоқ жұлдыздың бірі – Жетіқарақшы . Жетіқарақшы Темірқазықты (дәлірек айтқанда дүние полюсін) тәулігіне бір рет айналып өтеді. Оның іңірдегі, түн ортасындағы, таң алдындағы орны жыл мезгілдеріне қарай әрқилы өзгеріп отырады. Мал шаруашылығымен шұғылданған ата-бабаларымыз Жетіқарақшының қозғалысын бақылай отырып, оны түн мезгілдерін анықтайтын аспан сағаты есебінде пайдалаған. Ә мәтіні Саяхат бізге не үйретеді? 1. Саяхаттаудың ең қиын кезеңі – үйден шығу. Шынымен де, үйде отырғаныңызда түзде өміріңізге қауіп келтіретін түрлі жағдайлар күтіп тұрғандай сезінуіңіз мүмкін. Қайда тамақтанып, қайда ұйықтайтыныңызды білмей дал боласыз. Сізді тіл білмеу немесе қаржылық жағдай тоқтатуы да ғажап емес. 2. Адамдар әрқашан да жылы шырайлы келеді Дамыған мемлекеттерге саяхаттайтын болсаңыз ондағы адамдар сізге барынша құрметпен қарайтынына таңғалмаңыз. Тек кейбір елдердің мәдениеті төмендеу аймақтарында ғана қауіп төнуі мүмкін. Бірақ қай елді алсаңыз да, ондағы адамдар өзге елден келген саяхаттаушыларға аса зор құрметпен қарайды, әрқашан көмек беруге дайын тұрады. Олар сізге жол көрсетеді, құдайы қонақ етеді, өз елінің ең жақсы деген жерлерімен таныстырады, сіздің саяхатыңызға қызығып, емен-жарқын әңгіме-дүкен құруға дайын болады. А мәтіні Ә мәтіні Қысқаша мазмұны Жетіқарақшы жұлдызы туралы айтылған. Жеті қарақшының пайда болу аңызы, яғни жетіқарақшы ұрлық жасай бергендіктен, оларды халық бірігіп қуады. Олардың ешқандай қашатын жер таба алмай қысылғандықтан, аспаға ұшып жеті жұлдызға айналғанын айтқан. Жалпы саяхатқа шығу қиын емес екендігі және саяхаттаудың әр түрлі жағдайларға жолықтыратыны туралы айтылған. Нақты ақпараттар Жетіқарақшының іңірдегі, түн ортасындағы, таң алдындағы орны жыл мезгілдеріне қарай әрқилы өзгеріп отырады. Мал шаруашылығымен шұғылданған ата-бабаларымыз Жетіқарақшының қозғалысын бақылай отырып, оны түн мезгілдерін анықтайтын аспан сағаты есебінде пайдалаған Саяхат сіз ойлағандай қауіпті емес. Өзге елдің, қаланың адамдары да өзіңіздің туып өскен жеріңіздің адамдары іспеттес, сондықтан да сіздің Отаныңыздағы жақсылық пен жамандық атаулары сапарлап барған жеріңізде де бар екенін ұмытпаңыз Жазылым Сіз шетелде ұзақ мерзімді саяхатта жүрсіз. Досыңызға саяхатыңыздың қызықтарымен бөлісе отырып, хат жазыңыз. Хаттың жанрлық, құрылымдық, ресімделуіндегі ерекшеліктерді ескеріңіз.