Ұстаздар күні мерекесіне орай «Дублер күні» ұйымдастырылды.

Ағымдағы жылдың 3 қазанында мектебімізде дәстүрлі түрде аталып өтетін Ұстаздар күні мерекесіне орай «Дублер күні» ұйымдастырылды. Шараға жоғары сынып оқушылары зор қызығушылық танытып, белсенділікпен қатысты. 10-11 сынып оқушылары мектеп әкімшілігі мен пән мұғалімдерінің қызметін уақытша атқарып, бір күн бойы ұстаздардың орнына сабақ өткізді. Дублер күні аясында оқушылар мектеп басшылығы құрамын да жаңғыртты. Уақытша директор қызметін Наурызгалиева Зарина атқарса, директордың оқу-тәрбие ісі жөніндегі орынбасарлары қызметін Муханбетова Диана, Ажгулова Жанар, ал тәрбие ісі жөніндегі орынбасар рөлін Аманжулова Айгерім мен Сергазиева Даяна сәтті орындап шықты. Олар күні бойы мектептің басқару ісіне араласып, өздеріне жүктелген міндеттерді жоғары деңгейде атқарды. Мереке мектепішілік концерттік бағдарламамен жалғасты. Салтанатты шараға ардагер ұстаздар шақырылып, ДТІЖО М. Абуова мен кәсіподақ төрайымы Г. Шаяхметова бірқатар ұстаздарды «Құрмет грамоталарымен» марапаттады. Концерт барысы мектеп түлектері дайындаған өнер бағдарламасымен жалғасты. Шара соңында ардагер ұстаздар жүрекжарды алғыстарын білдіріп, барлық мұғалімдерге мектеп оқушылары арнайы әзірлеген сыйлықтарын табыстады. Кеш көңілді флешмобпен аяқталды.