Астанада тұрғын үйдің жеделсатысы құлап бір адам көз жұмды

Астанада тұрғын үйдің жеделсатысы құлап бір адам көз жұмды. Тағы екі азамат ауыр жарақатпен ауруханаға жеткізілді. Қайғылы оқиға «Арыстан» тұрғын үй кешенінде болған. Алдын ала мәлімет бойынша, лифтіні жөндеп жатқан жұмысшылар 7-қабаттан 1-қабатқа құлап кеткен. Қазір оқиға орнында төтенше жағдайлар департаменті мен полиция жұмыс істеп жатыр. Оқиға бүгін түске таман болды. Жеделсаты 7-қабаттан төмен қарай сырғып, шахтаға құлаған. Лифт ішінде жөндеу жұмыстарын жүргізіп жатқан үш техник-маманның біреуі сол жерде тілге келмей кеткен. Ал, екеуі ауыр дене жарақатымен ауруханаға жеткізілді. Тұрғындардың ашынуы орынды. Себебі, бұған дейін де осы үйдің жеделсатысы істен шығып, адам өміріне қауіп төндірген екен. Бірақ компания сол кезде тек жөндеумен шектеліп, толық ауыстыруды қажет деп таппаған деп отыр. Қазір жарақат алған екі азаматтың бірі жансақтау бөлімінде жатыр. Дәрігерлердің айтуынша, олардың жағдайы ауыр. БАУЫРЖАН ЕШМҰРАТОВ, Дәрігер: Жансақтау бөліміне жатқызылды. Ары қарай бақылау интенсивті ем жүргізу үшін, ертеңге операцияға дайындап жатырмыз. Екінші науқастың жағдайы орташа политравма бөліміне жатқызылды. Әрі қарай емдеп бақылау үшін. Оқиғаның мән-жайын полиция тексеріп жатыр. Алдын ала болжам бойынша еңбек қауіпсіздігі талаптары сақталмаған. АСТАНА ҚАЛАСЫ ПОЛИЦИЯ ДЕПАРТАМЕНТІНІҢ БАСПАСӨЗ ҚЫЗМЕТІ: Елордадағы тұрғын үйлердің бірінде лифт құлау дерегі бойынша абайсызда адам өліміне әкеп соққан "еңбек қауіпсіздігі ережелерін бұзу" бабымен қылмыстық іс қозғалды.Лифт ішінде жөндеу жұмыстарын жүргізіп жатқан қызмет көрсетуші ұйымның жұмысшылары болған. Қазіргі уақытта болған оқиғаның барлық мән-жайы анықталуда СЕРІК ДӘРМЕНҰЛЫ,тілші: Қайғылы жағдай елордадағы тұрғын үйлердегі лифт қауіпсіздігіне қатысты мәселенің өзектілігін тағы бір дәлелдеді. Азаматтар енді мұндай оқиғалардың қайталанбауы үшін бақылауды күшейтуді талап етіп отыр. Және тергеу органдарынан оқиғаның нақты себептерін анықтап, кінәлілерді дереу жауапқа тартуын күтуде. #Информбюро #31арна #БастыЖаңалықтар #Новости #31канал