ПЕЧЕНОЧНЫЙ ТОРТ 😋

Биһиэхэ наада: быар – 500 гр; сымыыт – 1 уст.; үүт – 150 мл; бурдук – 4-5 ост.нь.; туус; биэрэс. Начыыҥкаҕа: моркуоп – 1 уст.; эриэппэ луук – 1 уст.; майонез - 300гр; чеснок - 1 уст; укуруоп. мас арыыта ыһаарылыырга; Быары сууйабыт, куурдабыт уонна эрийэбит (мясорубканан), эбэтэр блендеринэн эриттэрэбит. Салгыы сымыыт, үүт, бурдук, туус уонна биэрэс кутабыт. Билиинэ тиэстэтин курдук биир маасса буолуохтаах. Сылытыллыбыт хобордооххо быартан билиинэлэри икки өттүттэн ыһаарылыыбыт. Луугу кыра гына кырбастыыбыт, моркуобу теркалыыбыт уонна саһарчы өҥнөнүөр диэри ыһаарылыыбыт. Майонезка чеснок, укроп эбэбит. Хас биирдии билиинэни бастаан чесноктаах майонеһынан сотобут, онтон иккис араҥанан ыһаарыламмыт лууктаах моркуобу сыбыыбыт уонна үрдүгэр билиинэ уурабыт. Бу курдук хатылаан торт оҥорон таһаарабыт. Саамай бүтэһиккэ үрдүгэр моркуоптаах луукпутун сыбыыбыт уонна майонеһынан, укробунан киэргэтэбит. Минньигэстик аһааҥ!