Қазақстандағы ең ірі алма бағының қазіргі жағдайы қалай?

Бұл – Қазақстандағы ең ірі бақтың бірі. Былтыр табиғи апат салдарынан суға кеткен еді. Бақтың қазіргі жағдайы қалай? Алдыңғы жылдары бұл жерде жайқалған жасыл бақ бар еді. Жаз шыға гүлдеп, күзге қарай жеміс беріп, жергілікті тұрғындардың сүйікті орнына айналған. Бірақ былтырғы су тасқыны табиғаттың осындай әдемілігіне ауыр соққы болды. Қайрат Каримов пен жұбайы Роза 2015 жылы қалаға жақын жерден жеті гектар алып, бағбандықты қолға алған. Алғашында оңай көрінгенімен, еңбек жолы шынында да «адам төзгісіз» шаруа екеніне көз жеткізді. Бірақ тоқтаған жоқ. Он жыл ішінде маңдай термен еңбектенді.